زانکۆی کوردستان، دامەزراوە. لە وەرزی یەکەمی ساڵی خوێندنی ٥٦-١٣٥٥ی هەتاوی، وەک یەکێک لە کەمپەسەکانی زانکۆی ڕازیی کرماشان و بە ناوی "کۆلێژی پەروەردەی مامۆستای سنە" درێژەی بە چالاکییە پەروەردەییەکانی داوە. لە ساڵی ١٣٦٩ی هەتاوی، ڕەزامەندیی سەرەتایی بۆ پەرەپێدانی ئەم کۆلێژە و بەرزکردنەوەی بۆ ئاستی زانکۆیەکی گشتگیر لەژێر ناوی "زانکۆی کوردستان" دەرچوو، کە پێکدێت لە کۆلێژەکانی زانستە مرۆڤایەتییەکان، زانستە بنەڕەتییەکان، پەیمانگای کشتوکاڵ و پەیمانگای تەکنیکی.
لەسەروبەندی دەستپێکی سەدەی نوێ، زانکۆی کوردستان وەک زانکۆیەکی گشتگیر، خوێندن-تەوەر، توێژینەوە-بنەما و کارئافرێن دەناسرێت. ئەم دامەزراوە کۆمەڵایەتییە کارامەیە، بە ئامانجی بڵندکردنەوەی ئاستی فێرکردن و پەرەپێدانی زانست، خۆی وەک یەکێک لە ناوەندە زانستییە دیارەکانی ڕۆژئاوای وڵات جێگیر کردووە. زانکۆی کوردستان لە ڕێگەی کارلێکی بنیاتنەرانەی ناوچەیی، نیشتمانی و نێودەوڵەتی و هەروەها هاوکاری لەگەڵ دامەزراوەکانی تر، ئەرکی مێژوویی خۆی لە پێگەیاندنی دەرچووانی دیندار، بەتوانا و پسپۆڕدا جێبەجێ دەکات. ئەم زانکۆیە وەک زانکۆی دایک لە پارێزگای کوردستان، چوار ئەرکی سەرەکی بۆ خۆی دیاری کردووە: