بەپێی ڕاگەیاندنی پەیوەندییە گشتییەکانی زانکۆی کوردستان، لە سەرکەوتنێکی زانستی و ڕۆشنبیریی بەنرخدا، دکتۆر تەیموور مالمیر، ئەندامی دەستەی زانستیی بەشی زمان و ئەدەبیاتی فارسیی زانکۆی کوردستان، بۆ ماوەی سێ ساڵ وەک ئەندامی ئەنجومەنی زانستیی گرووپی «ئەدەبیاتی شۆڕشی ئیسلامی» لە فەرهەنگستانی زمان و ئەدەبی فارسیدا دامەزرا.

فەرهەنگستانی زمان و ئەدەبی فارسی، وەک سەرچاوەی سەرەکیی سیاسەتداڕێژی لە بواری زمان و ئەدەبیاتی وڵاتدا، ئەنجومەنە زانستییەکانی خۆی بە بەشداریی مامۆستایان و توێژەرانی دیار و خاوەن ڕا پێکدەهێنێت. ئەم دامەزراندنە، کە نیشانەی پسپۆڕی و پێگەی بەرزی زانستیی دکتۆر مالمیرە لەسەر ئاستی نیشتمانی، شانازییەکی گەورەیە بۆ کۆمەڵگەی زانستی و ڕۆشنبیریی زانکۆی کوردستان.

زانکۆی کوردستان بەبۆنەی ئەم سەرکەوتنە شایستەیەوە پیرۆزبایی گەرمی خۆی ئاراستەی بەڕێزیان و خانەوادەی گەورەی زانکۆ دەکات و هیوای سەرکەوتنی بەردەوامی بۆ ئەم مامۆستا بەڕێزە لە جێبەجێکردنی ئەم ئەرکە گرنگەدا دەخوازێت.