بەپێی ڕاگەیاندنی پەیوەندییە گشتییەکانی زانکۆی کوردستان، لە ڕێوڕەسمێکدا بە ئامادەبوونی سەرۆک و ژمارەیەک لە بەرپرسانی زانکۆ و هەروەها بەڕێوەبەری گشتی و کارناسانی بەڕێوەبەرایەتیی گشتیی سەرچاوە سروشتییەکان و ئاوەزگاریی پارێزگا، ڕێککەوتننامەیەکی زانستی-جێبەجێکاری لەنێوان هەردوولادا واژۆ کرا. ئەم ڕێککەوتننامەیە جەخت لەسەر دروستکردنی هاوئاهەنگی لە بوارەکانی توێژینەوەی زانستی، لێکۆڵینەوەی کارپێکراو، بڕیاردان بۆ جێبەجێکردنی پڕۆژە پەیوەندیدارەکان و چارەسەرکردنی کێشەکانی بواری سەرچاوە سروشتییەکان دەکاتەوە.

هەروەها لەم کۆبوونەوەیەدا، بابەتی تەرخانکردنی زەویی گونجاو بۆ کاروباری فێرکاری، توێژینەوە و دروستکردنی شارۆچکەی خانووی شوشەیی تاوتوێ کرا. بەپێی ڕێککەوتنە ئەنجامدراوەکان، دوو پارچە زەوی بە ڕووبەری ١٨ و ١٧ هێکتار لە نزیک بەنداوی وەحدەتی سنە و پارچەیەکی شەش هێکتاری لە مەریوان، تەرخان دەکرێت بۆ زانکۆی کوردستان. هەروەها بڕیار درا کە بەدواداچوون بۆ تەرخانکردنی زەویی کەمپەسی نێودەوڵەتیی زانکۆ لە مەریوان بکرێت، بە مەبەستی پەرەپێدانی ڕووپۆشی دارستان و جێبەجێکردنی پڕۆژەی توێژینەوەیی و جێبەجێکاری.