دەربارەی بەشی ئەندازیاریی زانستەکانی ئاژەڵ
بەشی زانستەکانی ئاژەڵ لە زانکۆی کوردستان، یەکەمین بەشی خوێندنی کۆلێژی کشتوکاڵە کە لە ساڵی ١٣٧١ی هەتاوی (١٩٩٢ی زایینی) بە وەرگرتنی خوێندکار لە ئاستی دبلۆم لە بواری تەکنەلۆژیای بەرهەمە ئاژەڵییەکان دەستی بە کار کردووە. ئێستا، ئەم بەشە بە ١١ ئەندامی دەستەی زانستییەوە لە ئاستەکانی بەکالۆریۆس، ماستەر و دکتۆرا لە پسپۆڕییەکانی وەک بۆماوەزانی و چاکسازیی نەژادی ئاژەڵ و پەلەوەر، خۆراکی پەلەوەر، خۆراکی ئاژەڵ و فیزیۆلۆژیای ئاژەڵ و پەلەوەر خوێندکار وەردەگرێت. بەشی زانستەکانی ئاژەڵ خاوەنی چەندین تاقیگەی جۆراوجۆرە، لەوانە تاقیگەی خۆراکی ئاژەڵ و پەلەوەر، مایکرۆبایۆلۆجی، بۆماوەزانی و بایۆتەکنەلۆژیا و فیزیۆلۆژیا. هەروەها، ناوەندە توێژینەوەییەکانی وەک کێڵگەی مانگای شیری، کێڵگەی بەخێوکردنی بزنی مەهابادی، هۆڵەکانی توێژینەوەی هەڵهێنانی جووچک، مریشکی هێلکەکەر، باڵندەی سمۆرە و کێڵگەی هەنگەوان، ئەم بەشەیان کردووەتە یەکێک لە ناوەندە پێشەنگەکان لە بواری فێرکردن و توێژینەوەی هەمەجۆری زانستەکانی ئاژەڵدا. لە پێناو پەرەپێدان و بەنێودەوڵەتیکردندا، بەشەکە دەستی کردووە بە وەرگرتنی خوێندکاری نێودەوڵەتی لە هەموو پسپۆڕییەکاندا. شایەنی باسە کە لە ساڵی ١٣٩٧ی هەتاوی (٢٠١٨ی زایینی)، بە واژۆکردنی گرێبەستێک لە نێوان زانکۆی کوردستان و زانکۆی ڕاپەڕین لە هەرێمی کوردستانی عێراق، بۆ یەکەم جار ١٤ خوێندکاری بیانی لە ئاستی بەکالۆریۆس لە زانستەکانی ئاژەڵدا وەرگیران. هەروەها، پسپۆڕیی زانستە تاقیگەییەکانی ڤێتێرنەری لە ساڵی ١٣٩٧ی هەتاوی لەم بەشەدا کرایەوە و بە وەرگرتنی ساڵانەی ٢٠ خوێندکار، هیوادارین لە داهاتوودا کۆلێژی پارا-ڤێتێرنەری لە زانکۆی کوردستان دابمەزرێت. بەرنامە تایبەتەکانی بەش بۆ بەرزکردنەوەی ئاستی زانستیی خوێندکاران، بەتایبەتی لە ئاستی خوێندنی باڵادا، لە چەند ساڵی ڕابردوودا، ناردنی مامۆستایان و خوێندکاران بۆ وڵاتانی دانیمارک، کەنەدا، ئوسترالیا، بەلجیکا، نەمسا و ئیسپانیای لەخۆگرتووە.
ئیمکاناتە توێژینەوەیی و لێکۆڵینەوەییەکانی بەش

بەشی زانستەکانی ئاژەڵ خاوەنی ئەم ئیمکاناتەی خوارەوەیە بۆ ئەنجامدانی کارە توێژینەوەییەکانی بەش و خوێندکارانی: 
1. کێڵگەی مانگا
2. کێڵگەی بزن
3. کێڵگەی پەلەوەری گۆشت
4. کێڵگەی مریشکی هێلکەکەر
5. هۆڵی بەخێوکردنی باڵندەی سمۆرە
​​​​​​​ 6. هۆڵی هەڵهێنان